我鍾意飲左酒之後既自己，最好既係可以忘記左自己，因為忘記左自己之後，
同時人地都會忘記我。不過有D野忘記左唔代表無發生過，
就好似今晚呢間sake bar，我永遠唔會忘記呢一份滋味。👇🏻
📌お す す ぬ -
▪️ 佐 酒 小 食 -
▫️「紫薯最中餅」係每人入座必有既招牌小食，以招牌貓既LOGO，好得意。
▫️「唐揚蘿蔔糕」炸得好夠濃香，外層脆卜卜。
▫️「雞肝芝士拌勻醬」雞肝調味恰到好處，配搭多士濃香惹味。
▫️「忌廉芝士明太子厚油揚」鹹香十足，芝士同忌廉本身就好夾，送酒一流。
▪️ 炭 火 串 烧 -
▫️「榮螺」原隻榮螺連殼上，螺肉爽口，湯底清甜，必試！
▫️「雞頸肉」因為呢個部位肌肉特別發達，所以比平時食開既雞肉更加有咬口。
▫️「雞心」口感相當柔軟，就算唔太食內臟既朋友都一定接受到。
▫️「黑豚腩肉」燒得好入味，肉質腍滑得黎又入味，好滿足。
▫️「原隻日本魷魚」賣相厚肉又大條，唔會燒到過哂火太乾身，
肉質做到好腍滑，唔錯。
▪️ 食 事 -
▫️「雞白湯鳥冬」湯底雞味夠突出，唔會太鹹，
飲完酒用烏冬埋個靚尾，個胃即時暖笠笠，特別舒服。
📌日本酒 · FREESTYLE -
▪️ 備前雄町·純米大吟釀 -
▪️ 咲耶莫·純米吟釀 -
▪️ 福島縣·磐城寺·紺碧純米吟釀 -
▪️ 寫樂·令和四·純米吟釀 -
▫️ 我地揀左清酒Freestyle，當中至少有6種budget比你揀，再以杯數區分，
假設你揀$300budget 6杯，唎酒師會因應budget、食物既配搭，
再幫你挑選6杯符合你budget既sake，假設你揀$800或更高budget 2杯，
咁果2杯自然會又會揀返更高價位既sake，而且口味有淡、
鮮、果、辛、輕、柔、甘、旨、醇、古多達11種選擇，
難怪sake都有得考牌呀！的確係個好好既體驗。
