Video
Read full review
2018-09-09
58 views
由食家「蔡瀾」開嘅越南粉，單係個名已經吸引到唔少人慕名而來！新店位於中環地段，以為價錢會好貴，但牛肉粉最平$68蚊已有交昜，而且越南粉係免費任加！即係$68蚊包飽！喺中環嚟講都真係幾抵食！ 餐廳主打當然係一系列嘅越南粉，可自選不同組合。亦有湯檬、多款小食、沙律、時菜、甜品同飲品供選擇。 特別牛肉湯河粉 $128 ［分數：8/10］ 特別牛肉湯河，最特別之處就係可以俾你一次過試齊7款自選配料，當中包括：生牛肉、金錢腱、牛腩、牛筋、貝殼牛肉丸、銅錢牛鞭花同牛栢葉。 另外，仲會附上大量香葉俾你自行加入，有九層塔、鵝芥、洋蔥、芽菜等等⋯ 生牛肉、金錢腱、牛腩 先講講肉類，每樣有少少，生牛肉比較薄，送上黎時半生熟，啱啱好。金錢腱厚身少少比較有口感。而牛腩都煮得夠腍。 貝殼牛肉丸、牛栢葉 牛丸有兩粒切半，入口爽口彈牙，唔錯。牛栢葉幾爽口，不過切得比較細件。 銅錢牛鞭花、牛筋 銅錢牛鞭花同牛筋切得比較細粒，所以搵咗一陣先搵到，呢兩樣味道會比較淡，牛筋好腍，牛鞭花帶少少韌力。 越南粉 先講講湯底，入口都幾鮮甜，唔算太油，因為鐘意濃味啲，所以自己放咗好多香葉同青檸落去，味道更加豐富。而越南粉係由
由食家「蔡瀾」開嘅越南粉，單係個名已經吸引到唔少人慕名而來！新店位於中環地段，以為價錢會好貴，但牛肉粉最平$68蚊已有交昜，而且越南粉係免費任加！即係$68蚊包飽！喺中環嚟講都真係幾抵食！
餐廳主打當然係一系列嘅越南粉，可自選不同組合。亦有湯檬、多款小食、沙律、時菜、甜品同飲品供選擇。
特別牛肉湯河粉 $128［分數：8/10］
特別牛肉湯河，最特別之處就係可以俾你一次過試齊7款自選配料，當中包括：生牛肉、金錢腱、牛腩、牛筋、貝殼牛肉丸、銅錢牛鞭花同牛栢葉。
另外，仲會附上大量香葉俾你自行加入，有九層塔、鵝芥、洋蔥、芽菜等等⋯
生牛肉、金錢腱、牛腩
先講講肉類，每樣有少少，生牛肉比較薄，送上黎時半生熟，啱啱好。金錢腱厚身少少比較有口感。而牛腩都煮得夠腍。
貝殼牛肉丸、牛栢葉
牛丸有兩粒切半，入口爽口彈牙，唔錯。牛栢葉幾爽口，不過切得比較細件。
銅錢牛鞭花、牛筋銅錢牛鞭花同牛筋切得比較細粒，所以搵咗一陣先搵到，呢兩樣味道會比較淡，牛筋好腍，牛鞭花帶少少韌力。
越南粉
先講講湯底，入口都幾鮮甜，唔算太油，因為鐘意濃味啲，所以自己放咗好多香葉同青檸落去，味道更加豐富。而越南粉係由餐廳自家制作，入口好滑，質感好輕盈，不知不覺就食晒一碗。食完可以再添～會用碗仔裝一碗俾你～澱粉控啱晒！
越式炸春卷 $48［分數：8/10］
炸春卷即叫即炸熱辣辣，用生菜包著食，減少膩感就啱晒～入面肉絲、粉絲、蘿蔔絲、木耳絲，口感豐富又香口。
紅茶雪糕 $32［分數：8/10］
雪糕有3種，分別有椰汁、紅茶及榴蓮味，而我就試咗紅茶味，茶味都幾香濃，甜而不膩，值得一試
越南多色冰 $28［分數：7.5/10］
多色冰非常足料！入面有成5種顏色嘅配料，底下綠色同粉紅色嘅有啲似馬蹄，比較爽口。藍色係類似啫喱嘅粉條，而黃色就係綠豆。椰汁做底，上方仲有刨冰！好抵飲！
******************************
蔡瀾Pho
中環威靈頓街15-25號地舖
******************************
以上消費：$236
味道：8/10
環境：8/10
服務：8/10
衛生：8/10
抵食：7.5/10
Post
