Evvoke

作為一個飯焦狂熱者🍚🔥，呢間《憶食尚》嘅廣式臘味煲仔飯真係要大大力推薦！

👨🏻‍🍳 上枱一刻就聞到陣陣香氣～店員即場加入芫荽、葱花、豉油🌿🌟，香味一秒爆發！

🥓 臘味三重奏：
•臘腸：偏瘦但帶啲肥肉，酒香撲鼻，口感實淨有咬頭
•臘肉：鹹香濃郁，油潤唔膩
•鴨肉：有嚼勁，鹹淡適中，咬落真材實料！

🍚 飯底完美吸收臘味油香，焦香位脆得好過癮，每啖都食到鹹香交織～再配上葱花芫荽一齊送入口，真係勁有層次！

🧧 食完仲忍唔住加購咗盒醬香臘腸外賣，回家都要再續臘味緣🥹❤️