🪑環境與體驗
一入去已經覺得間餐廳用心設計，卡位座椅俾人一種日式餐廳嘅簡單舒適感，每個座位前都有一塊小鐵板，係用嚟煎漢堡排嘅，食客可以自由調整熟度，感覺好有互動性～🔥 邊睇店員煎漢堡排邊聞住陣陣香氣，肚餓指數直線飆升！🤤
🍖漢堡排套餐推介
我點咗人氣推薦嘅「3件漢堡排套餐」(原味+芝士+牛油果)，套餐仲包括白飯、湯、西蘭花無限添加，真係抵到爆！✨
1️⃣ 原味漢堡排：
店員會將漢堡排煎到五成熟，放喺你面前嘅鐵板上，仲可以自己調整熟度。第一啖咬落去，肉汁爆出嚟，牛肉味濃郁得嚟唔膩，鬆軟嘅口感好滿足！搭配枱上提供嘅和風醬汁，鹹香味更突出～🍴
2️⃣芝士漢堡排：
呢款真係芝士控必試！🧀 店員即席喺漢堡排上面刨滿滿嘅芝士碎，仲未食已經心心眼。芝士同牛肉味完美融合，每啖都邪惡到極致，嗌住白飯食真係一流！👍
3️⃣ 牛油果他他漢堡排：
期間限定款果然冇令我失望，牛油果嘅軟滑加上鹹甜嘅照燒汁，仲有清新嘅他他醬，令整個味道層次更豐富。係幾款之中最有驚喜嘅一款，食完仲想再加多一件！🥑
🍚白飯與湯
講到白飯，真係不得不提佢哋嘅東北虹煌米，粒粒晶瑩剔透，口感軟嫩又煙韌，配合多汁嘅漢堡排簡直係靈魂拍檔。而湯亦係清甜暖胃，飲完即刻想再添一碗！🥣
「肉肉大米」絕對係一間值得再訪嘅餐廳，無論係食材質素、體驗定環境都非常到位。每款漢堡排都可以食到店家對細節嘅堅持，真係感受到咩係「一啖日本」嘅滋味～如果你係漢堡排迷，千祈唔好錯過！
