驚安燒肉商店

Open Now

Now Closed

之前喺佢筲箕灣鋪已經有試過一次，記得係非常之抵食！今次佢喺尖沙咀新開一間分店，食物依然保持到水準，員工服務態度亦都好好！我哋嚟到希望可以有卡位，不過當時就太多人佢哋都冇辦法安排，但竟然送咗每人一杯嘢飲俾我哋！非常之唔話得👍🏻除咗叫招牌九宮格之外，我哋仲嗌咗好多林林總總嘅肉類！牛肉保持一貫高水準，豬肉就醃得稍為甜咗啲，好入味～我哋仲有叫咗兩個芝士金菇/雜菇，放上個爐上面燒真係冇得頂😍環境方面，座位寬敞，令喺疫情期間都唔會坐得太逼，同朋友傾偈都非常舒服～最後值得一題嘅就係，佢哋全部都係scan QR code電子落單👍🏻方便得嚟又唔會錯，最緊要上菜快呀嘛！