老樹旗艦店 (Closed)

水果之中，「榴槤」最有性格，鍾意佢嘅人一定愛死佢，唔鍾意嘅人天生就接受唔到，香港人最幸福，果皇都可以隨手可得，加埋而家有真空保鮮，一年四季都可以品嚐靚榴槤，仲越食越花巧添。6、7月又係果皇季節，成日心思思想食，今天唔覺意俾我八到間喺佐敦嘅老樹，貓山王榴槤，按重量分大中細碼，將榴槤最佳食用嘅時刻，原隻真空包裝，對於我哋啲榴槤粉絲，次次當生日蛋糕咁劈開，食得開心又有保證。唔想原個咁大隻，可以揀呢款簡易包裝，透明展視更加係望得到嘅誘惑🤣🤣🤣老樹鋪面呈長方形，除了榴槤之外，餅櫃裏邊仲有多款榴槤系列甜品，以為要外賣回家，原來店舖樓上是有座位提供的。 榴槤造型其實係椰子慕絲，🥥椰味香濃，忌廉打得好輕身滑溜 ，餅底一層薄薄的榴槤蓉，比例唔算太多 ，吃落隱隠散發看著榴槤香，主題還是椰子嘅味道，好味又具心思👍👍👍原味榴槤瑞士卷，軟綿綿的忌廉又香又濃，仲有新鮮榴槤肉夾心，實在太正啦。食飽才看見，「老樹」原來仲有意粉、咖啡、等輕食提供，眼中只有榴槤的我，看不到樓上雅座，看不到其他美食🍽，所以說「老樹」飄香🌳原來別有洞天🤩🤩🤩