亦唔係老派人，愛情觀未必可以與時並進，人愈大就好似愈唔識溝女，
可能我真係老了，如果你叫我開口，我就淨係識問…
今晚檳榔敍一敍，你有無興趣呀？👇
📌檳榔島敍 · 晚市二人套餐 - $338(閒日)
▪️ 前 菜 沙 律 -
▪️ 小 食 拼 盤 -
▫️ 2人set先黎個「前菜沙律」開開胃先啦，沙律菜夠清新爽口，
為之後呢個「小食拼盤」做好準備。拼盤包括「馬拉盞魷魚圈」、
「馬拉盞一口蝦多士」、「馬來沙嗲雞髀肉串」，魷魚圈煙韌有咬口，
夠哂彈性；蝦多士即叫即炸，脆口得黎又唔會太油膩；
而雞髀肉串面頭灑滿花生粒，口感份外豐富，
雞肉肉質軟腍嫩滑，夠哂惹味。
▪️ 馬 來 甘 香 海 鮮 天 使 麵 - (+28)
▪️ 芝 味 咖 哩 海 鮮 焗 飯 -
▫️ 而主食方面亦唔惹少，事關呢個「馬來甘香海鮮天使麵」，
一次過食勻哂多種海鮮，包括蜆肉、青口、大蝦，加埋餐廳自家製醬汁，
更加有風味；而「芝味咖哩海鮮焗飯」，咖哩整得濃香之餘，
加左芝士又唔會太鹹，飯粒夠乾身，加上醬汁，軟硬適中，唔錯。
▪️ 自 家 製 班 蘭 咖 央 多 士 -
▫️ 不得不嗌埋呢個「自家製班蘭咖央多士」，多士夠薄脆，
中間既咖央醬香甜，夾雜一大塊厚身牛油，一食落果種順滑
感真係好治癒，相當好食呀！
▪️ 桔 仔 梳 打 -
▪️ Tiger生 啤 - (+$28)
▫️ 一個set包左兩杯野飲，入口酸酸甜甜，又夠清爽，解辣減膩一流；
當然炎炎夏日點少得「Tiger生啤」整返枝生啤啤啤佢呢！
