秘 (偉晴街) (Moved) New Location

「秘」真係一間好神秘既食店門面簡樸，完全唔知係食咩既，好神秘。入到去見到餐牌，終於揭開神秘面紗。原來食日本料理，石頭燒！！野食都大大份，我叫左黑松露吉列牛😍😍黑松露漿佈滿牛肉，好香，肉既份量唔少，性價比十分高！！！！石頭燒一上台，店員會擺一舊牛既脂肪上去，等佢出油，咁就有天然油份去煎牛，又唔會痴底了！！！！好好玩！！食落味道亦好好，黑松露位咬落好脆，而且黑松露味濃，正呀🥰🥰🥰🥰加左金魚櫻花湯，呢個好值得加！因為露愛既金魚原來係蝦餃！！咬開有大大粒蝦，不過個皮唔算薄。但佢勝在外型特別！！又靚又吸睛！😍😍😍湯入面有鹽漬櫻花🌸一路飲，一路有視覺享受！軟殼蟹，是原隻上台！ 好脆口，好熱辣辣，加埋風沙，非常惹味！！！咁皮都只係$58，抵呀👍🏻👍🏻👍🏻👍🏻👍🏻呢間野好抵食，視覺亦討好，環境寧靜！真係值得一試！