Video
Read full review
2020-06-04
1608 views
黃子華曾經講過一個人既信仰係好緊要，所以我對神係十分之尊敬。但大佬..我唔係無試過，我試過安份守己，日搏夜搏搵得果一萬幾千，間中只係祈求呀穌哥佢打救下我，比我中下六合彩二獎姐，但無次中wor，唔係咁玩我呀麻。後來有人同我講，真係唔好以為你簡簡單單祈個禱就以為咩都心想事成，咩問題都解決哂，有果樣得果樣。最後個問題咪又係要你自己解決，你以為你自己冧得掂神，其實你只係一個凡夫俗子就連普通一個女仔你都未冧得掂啦，更何況滿天神佛呢？不如學我遇到煩惱不妨走返轉酒吧，一醉解千愁，今晚放工就走轉諾士佛臺係呢間「PONG Knutsford」relax下，有咩問題扔低左先，唔好諗咁多，CHILL UP MAN！👇📌C l a s s i c -▪ Sangria - $98▫ 先黎一杯傳統Cocktial「西班牙水果酒」，用左柑曼怡酒、干邑白蘭地做Based。睇住Bartender迅速霸氣既而且相當純熟既過程，真係幾賞心悅目既，再混合橙汁、檸檬味汽水，最後加埋紅酒形成一道漸層既效果。味道清甜透心涼，紅酒唔澀；最後Bartender會切埋生果做伴邊，所以成杯Cocktail仲帶左少少鮮果味道，唔錯。📌G
但大佬..我唔係無試過，我試過安份守己，日搏夜搏搵得果一萬幾千，
間中只係祈求呀穌哥佢打救下我，比我中下六合彩二獎姐，但無次中wor，
唔係咁玩我呀麻。後來有人同我講，真係唔好以為你簡簡單單祈個禱就以為咩都心想事成，
咩問題都解決哂，有果樣得果樣。最後個問題咪又係要你自己解決，你以為你自己冧得掂神，
其實你只係一個凡夫俗子就連普通一個女仔你都未冧得掂啦，更何況滿天神佛呢？
不如學我遇到煩惱不妨走返轉酒吧，一醉解千愁，今晚放工就走轉諾士佛臺係呢間
「PONG Knutsford」relax下，有咩問題扔低左先，唔好諗咁多，CHILL UP MAN！👇
📌C l a s s i c -▪ Sangria - $98
▫ 先黎一杯傳統Cocktial「西班牙水果酒」，用左柑曼怡酒、干邑白蘭地做Based。睇住Bartender迅速霸氣既而且相當純熟既過程，真係幾賞心悅目既，
再混合橙汁、檸檬味汽水，最後加埋紅酒形成一道漸層既效果。味道清甜透心涼，紅酒唔澀；最後Bartender會切埋生果做伴邊，所以成杯Cocktail仲帶左少少鮮果味道，唔錯。
📌G i n - ▪ Tanqueray - $90
▫ 每次去酒吧都係我必點既「添加利金酒」，真係不得不說，我對GIN真係情有獨鐘，我就黎要改返個英文名叫GIN以表示致敬。呢杯味道唔複雜，簡單Gin酒加埋Tonic，
入口清新冰感重，就係我追求Cocktail既要求！
📌F o o d -▪ Crispy Pork Knuckle - $189
▫ 淨係飲酒都會肚餓咖，嗌左酒吧推介既「脆卜卜珍寶脆皮豬手」，金黃色既外皮配襯住粉嫩既肉質，賣相就夠睇頭啦。而豬手食落有濃郁既肉香，
味道唔會太鹹，外皮亦烤得夠脆身，亦唔會太油淋淋，我覺得酒吧黎講，水準算唔錯，值得一試。
▪ Spicy Chicken Wings - $89
▫ 嗌多個「香辣雞中翼」過下口癮，我覺得入口唔算好辣，用黎做送酒小食就岩哂啦。
Post
