三七氣流一轉，已經係天團？收工一轉又夠鐘去酒埸？
其實我都係想帶你去Causeway bay，放低手指Rollie，
只想過好每一天，「牡蠣酒場」Feeling my vibe！👇
📌O y s t e r s -
▪️ KADOYA · Platter - $568
▫️ 黎得呢到第一件事就係食佢地既生蠔，但就咁食未免太無新意吧，
一於試試佢地頗有特色既「KADOYA盛合」，一次過食勻八種唔同口味既生蠔；
呢八隻生蠔產地同樣來自「日本三重浦村」。Staff教落由淡至濃開始食起，
分別係番茄清湯啫喱、煙三文魚Mousse、刁草檸檬啫喱、乾蔥酢、柚子啫喱、
大葉啫喱、海膽牛肉清湯啫喱、泰辣青檸；我最鍾意刁草檸檬啫喱果種鹹酸味，
加上本身生蠔夠清甜爽口，整體口感層次更加突出！
📌S k e w e r -
▪️ Ox-tongue - $38
▪️ Beef Outside skirt - $58
▫️ 除左生蠔，串燒亦係必試之一，我推介呢個「牛舌」同埋
「牛胸腹肉」，牛舌肉質爽口有彈性，完全唔覺韌，口感唔錯；
而牛胸腹肉用上餐廳自家製醬汁，加上陣陣炭烤香味，
牛味又夠濃郁，配上燒酒或生啤一絕。
📌P a s t a -
▪️ Oyster · Peperoncino - $128
▫️ 另一款必食推介「蒜片欖油生蠔·意大利麵」，先講成個意粉
份量夠哂兩個人食，而生蠔數量絕對唔姑寒，而食落肉質肥美
creamy，加上蒜片同欖油配搭，帶少少辣勁，相當醒胃。
📌D r i n k s -
▪️ Hakata Amaou Soda - $48
▪️ Saga Unshu Mikan High Ball - $68
▫️ 嗌埋兩杯人氣野飲「博多甜王·草莓梳打」、「佐賀溫州柑·威士忌梳打」，
前者賣相吸晴，入口濃郁既士多啤梨香味，感覺相當清新，甜而不膩；
而後者既飲落非常震撼，完全係比我想像中無果種太酸既感覺，
甜得黎帶點清香，同時酒味亦夠突出，我幾鍾意。
