番本日式放題 (Closed)

鄰近旺角地鐵站有間叫「番本」日式放題•位置方便•上網睇好評多多•身為為食達人點會錯過•刺身選擇多•甜蝦•帶子•榮螺•赤貝•三文魚•劍魚腩•象拔蚌•甜蝦赤貝尤其出色•日式清酒煮蜆蜆肉細細粒•鮮甜無沙•淡淡清酒味道•和風牛肉粒牛肉粒比較淋身•食下一粒食下又一粒•KO一碟容乜易•鹽燒牛舌牛舌薄薄的•一口一啖•好滋味炸物炸雞軟骨•炸芝士年糕•炸紫心香芋丸•炸魷魚圈•上枱熱辣辣•完全無乾爭爭•唔似其他放題店嘅炸物•上枱已經凍凍地•好食極有限•嗜酒嘅朋友有福啦•呢度有啤酒•清酒•梅酒任飲•飲品係自助形式•有冰櫃•有熱櫃•值得一讚•