Video
Read full review
2008-02-18
1 views
開完會出0黎旺角食lunch, 0黎呢間「Openrice 人氣店」試試佢的兩款招牌0野-- 咖喱牛腩農夫包及凍咖啡. 叫了一個餐($40 + $2 凍飲), 有蕃茄牛腩湯一碗, 一個農夫包, 仲有一杯飲品, 係勁多0野食, serve 時仲俾農夫包0既size 嚇呆了, 同Morton's (Sheration 扒房) 的table bread 一樣咁巨型!先飲啖蕃茄湯, 材料除0左蕃茄同牛肉之外仲包括碎濕濕的薯仔, 茄(膏)味濃郁, 唔會好酸, 都ok 啦.凍咖啡面層灑了粗粒咖啡粉(?), 好香, 飲落好滑, 幾驚喜. 推介!主角咖喱牛腩農夫包極巨型, mit 開錫紙後賣相幾得, 個包烘得熱熱的, 頂「帽」極鬆脆, 就咁食都好好食! 咖喱汁香多過辣, 幾惹味... 包內的餡料份量唔少, 好入味, 牛腩軟熟, 牛筋直程腍得「起膠」, 兩0野就食晒! 個包0既軟熟部分索滿咖喱汁, 味道都唔錯, 不過可能佢實在太索汁, 食落好「發水」0既感覺, 個人一般鍾意. 個包亦因為太大個, 本身唔細食的我食了四份三就投降了. 邊個話「獨食」會「難肥」? 如果日日/隔日0黎食的話, 包保
先飲啖蕃茄湯, 材料除0左蕃茄同牛肉之外仲包括碎濕濕的薯仔, 茄(膏)味濃郁, 唔會好酸, 都ok 啦.
凍咖啡面層灑了粗粒咖啡粉(?), 好香, 飲落好滑, 幾驚喜. 推介!
主角咖喱牛腩農夫包極巨型, mit 開錫紙後賣相幾得, 個包烘得熱熱的, 頂「帽」極鬆脆, 就咁食都好好食! 咖喱汁香多過辣, 幾惹味... 包內的餡料份量唔少, 好入味, 牛腩軟熟, 牛筋直程腍得「起膠」, 兩0野就食晒! 個包0既軟熟部分索滿咖喱汁, 味道都唔錯, 不過可能佢實在太索汁, 食落好「發水」0既感覺, 個人一般鍾意. 個包亦因為太大個, 本身唔細食的我食了四份三就投降了. 邊個話「獨食」會「難肥」? 如果日日/隔日0黎食的話, 包保變肥仔肥妹, 相信兩個中級食量0既女仔share 一個包當lunch 的話, 一定夠飽.
環境衛生麻麻, 雖然食物入面無事, 但又咁唔好彩俾我見到地上有小小強跑動, 都幾倒胃; 招呼ok, 老闆(?) 幾友善.
呢個農夫包味道又真係唔錯, 而且$40 一個餐點講都係抵食. 不過我最欣賞的係凍咖啡, 相信再0黎的話都只係為佢了.
Post
