燒夜食堂 (Closed)

長沙灣開咗一間小店食串燒，係由年輕老板一手一腳建立！充滿故事同動力~呢度除咗串燒之外，仲有冷盤，炸物同麵類，款式都好多。試咗個冷盤先，芥末八爪魚，好嗆好鮮味！食完消消暑再食串燒就正炸日本甜薯，份量好多好抵食！外脆內軟🤤串燒質素都唔錯架！雞腎雞軟骨燒雞皮都燒得好香又好脆😝 另外串燒溏心蛋都幾特別，拉麵食得多，串燒都係第一次試🙈 雞翼燒得皮好脆，肉好嫩，少啲鹽更加好。一口牛都好受歡迎，牛味都幾重同幾香，好冧身~燒羊架，大大件超級juicy !! 帶住少少羶味，味道口感冇得輸！魚類叫咗魚乾同埋燒鯖魚，覺得傳統既燒鯖魚比較好食，好嫩滑，但有少少偏咸。魚乾甜甜地有咬口，佐酒一流😝仲有自家製芝士流心漢堡扒，好多芝士流岀黎！芝士控可以試下🤤最後甜品揀咗紅豆鯛魚燒，呢個就唔係燒架喇，係炸既！但個皮個口感都係好好，好煙韌，應該加入咗糯米粉做的🤩 紅豆又不太甜。