依間餐廳平時做開小食，估唔到有啲咁吸引嘅鐵板牛扒餐，所以今日走咗入葵芳試吓，餐廳裝修都幾寬敞舒適，色調柔和令人感覺輕鬆！
🍅🧡羅宋湯
入邊都有大量蔬菜，湯令人感覺比較清新，味道就香甜開胃，飲啖湯可以中和肉類嘅肥膩！
🤎人氣牛脷雜扒鐵板餐 $108
🍝意粉·黑椒汁🧋奶茶紅豆冰
鐵板餐真係好豐富呀，有齊晒雞、牛、豬，有我最鍾意嘅牛舌，勁滿足！
雞扒肉質都算嫩滑，牛舌厚薄適中，脆薄有口感，豬扒較薄切，肉質鬆軟，味道都唔錯！
至於黑椒汁味道香濃，大量黑椒加添辛辣🌶️好惹味！
1
套餐仲有大蕃茄、西蘭花作為少少陪襯，襯埋意粉、薯菜或者飯就夠飽啦！
🐃安格斯牛板腱鐵板餐 $88
如果鐘意食牛，呢個會比雜扒更適合，牛扒唔會煮得過熟，大約七成熟略帶粉紅色，肉質都嫩滑有肉味，合格！
✨呢個價錢超抵食，如果係葵芳行街之後可以過嚟嘆吓熱辣辣🥩鐵板滋味！
9
