港滋味 (Closed)

成日話百般滋味，咁究竟甜酸苦辣鹹，邊一樣野行先？如果心情影響食慾，咁我心情好曳果陣一定會想食甜野，但係剪不斷，理還亂。有d野唔係咁簡單，食甜野就解決到。起碼都嗌返三四樣小菜先？👇📌二 人 餐 B - $388▪️ 新 加 玻 式 海 南 雞 - ▪️ 蒜 蓉 開 邊 蒸 龍 蝦 -▫️ 第一道菜「新加玻式·海南雞」夠哂驚喜，海南雞雖然唔係去骨果隻，但食落肉質嫩滑，雞皮油香十足，加埋油飯非常惹味，旁邊仲有幾舊雞腎，相當爽口；第二道「蒜蓉開邊·蒸龍蝦」非常新鮮，每人半邊龍蝦仲要用蒜蓉黎開邊，一上枱都聞到香；食落夠哂鮮甜，肉質結實彈牙，啖啖肉過足口癮呀！▪️ 台 式 豆 酥 蒸 黃 花 魚 - ▪️ 海 菜 豆 腐 - ▫️ 當然唔少得呢個台灣地道家鄉菜「台式豆酥·蒸黃花魚」，面頭用左台灣當地經常用既豆酥、薑蔥蒜蓋住，香味濃郁，魚肉亦夠滑溜，完全唔"鞋"，唔錯；而「海菜·豆腐」賣相靚仔，有雞脾菇、本菇，香口爽脆，而豆腐皮薄滑嫩，整體口感豐富，呢個餐相當抵食。