一品螞蟻 (Closed)

六月五日．熱打算將送頭送尾拿返屋企送飯，簡單又一餐，是真的太累了，走到巴士站卻忘了拿走公司的殘餘物資，記憶家中最後一蛋尋晚煎埋做叉蛋飯，附近餐廳試勻，唯獨這間未來過，就試試吧。螞蟻開到成行成市，Fusion裝潢，睇勻全場只得一檯獨行俠，走朋友飯聚路線。香口惹味小菜為主，燒鱔以至炸大腸都有，真估唔到Fusion港式餐廳已進化到這程度，老實點要個焗飯，原打算叫豬扒焗飯的，最後要了雞肉卷焗飯。看著人客出出入入，場內唔少有氣氛的活動，雖然唔明白但亦不得不接受唔少人是為氣氛而吃飯的，現在就更珍惜身邊為吃而吃的食友，是難得的．．．說回雞肉卷焗飯，飯是即焗的，要等上廿分鐘才有得吃，符合熱辣辣的基本要求，但聽侍應在場中話白飯要等，就解釋了為啥碟中物是濕得過分難以入口原因，雞肉卷出到來散修修的，雞肉調味夠肉亦鬆滑，夾著的蝦膠唔鮮但彈牙，如果六件雞卷當中只有三件以上完好無缺上的話，會給個笑面的。埋單八十元，唔算貴，環境好坐得舒服又人招呼，但絕非物有所值。