蘭州拉麵店 (Closed)

想食個快餐，即時上網睇吓邊間最近最多哈哈笑先！搵到呢間拉麵成日經過都見到，但就一次都未試過，去馬就去馬啦清湯好似好齋噤，唯有叫個麻辣手撕雞做料，必要時撈落個湯到，都應該無死嘅！要諗嘅都係諗咩麵質好，力削麵同拉麵都好似好吸引噤最後都係要咗拉麵，無理由店味都用拉麵，我一場嚟到都唔試吓嫁！先嚟咗麻辣手撕雞，手撕雞喺微暖嘅，撈咗啲醬同青瓜先食！原來食落都幾辣雞肉都幾嫩口，一啲都唔「鞋」，仲好似無雞皮噤濟隔咗陣個湯拉麵都嚟埋！飲啖熱辣辣嘅湯，清清地，可以解一解麻辣嘅味除咗拉麵之外，仲有幾條生菜，幾甜！食埋個麵都幾彈牙同掛湯能都唔差好食呀仲諗緊自己搵到好野食之際，我竟然發現麵條中夾雜咗一條毛髮……好嘔心都唔知自己之前有無食到落肚，成肚悶氣之後真喺食唔落喇即時起身埋單！就算幾好食都好，但噤唔衛生，真喺接受唔到