餐牌
佢本餐牌好得意，好似個盒，入面仲有不少選擇，仲特別標明係素食。。。
so attractive .... 不過期望愈大［下一句，請填充題］
煙芝士沙律，有我鍾意的火箭菜，煙芝士一條條又好似日本魷魚絲！
不過，可能吃慣大堆頭的「本地化」食品，唔知意大利的沙律係咪咁樣呢？！
芝士同火箭菜以外，真的什麼也沒有。。。
上來番茄橄欖長通粉，熱騰騰，當然好吃，點知「乜辣ge？」友人答道：「係呀，辣gar」
啞咗，因為咬咗咁多啖，先至有一啖覺得有辣味！！廚師係咪忘了「混醬」
？
炸洋葱圈大大個，好開心
不過佢個炸漿硬到。。。係咪都係意大利特色？
三個人，今晚特別細食，［又或已經熱到唔想食，請按下面分解］只叫了三款食品，多謝HK$24x ［連加一］
環境
室內環境也不錯，但音樂實在太大，朋友傾計好辛苦！
可以從窗看到商埸，別具空間感！但要坐在窗邊，最好選冬天，因為樓底低，我地俾射燈照到可以做乳豬！
服務
服務，算不錯，但一定要讚，
之前打電話訂枱，服務員好禮貎解釋不一定有窗邊位（當初唔知咁多射燈），我本來已經話「咁冇所謂啦」服務員仲好主動話幫我先備註定，到場再安排！very good and impressive
總結，服務好好，但食品，可以入口。。。還是「本地化」的意大利菜，較適合我吧！
