專食貓山王榴槤的旗艦店🤩你無理由唔識🙈
店主係馬來西亞有自家榴槤果園
所以全年都有A級的貓山王出產😎
仲急凍完即空運到港 夠哂新鮮
全店都係新鮮榴槤同榴槤甜品
雪糕🍦窩夫🥞麻糬撻🥧瑞士卷🍮疏乎厘
而我今日就揀左三樣最吸晴既先:
1. 貓山王芝士撻🧀🥧
外皮餅底都金黃酥脆
中心有新鮮貓山王榴槤肉 甘甜綿密
食到飄飄然 齒頰留香
原來榴槤的香甜同芝士的鹹香咁夾😚
2. 椰子貓🥥
原來個椰子殼都食得咖 係朱古力黎咖
上面方磚是椰奶布丁🍮 滑嘟嘟充滿椰香
入面係蛋糕 最重要當然少不得貓山王
一絲絲奶黃色的果肉 幽幽香甜
我強烈推介俾那些試都未試過就怕榴槤臭的朋友仔
椰香🥥中和了榴槤濃烈的味道 非常容易接受
😇更可能就此會愛上貓山王添啊
3. 特濃榴槤蛋糕🍰
外型成個榴槤咁 造型仔細 金光閃閃
其實係一件芒果慕絲蛋糕🥭
同樣中心位置有新鮮貓山王
酸味適中 好讓你食多舊榴槤都唔會覺得太漏
不得不提 門面睇落以為買走食
原來上面有兩層 可以上去放低慢慢嘆
而且裝修非常有心思 精緻美麗
連樓梯走廊都畫滿亞熱帶風情的壁畫
配合返成個主題🐨🦍🦓🦛🦒🦏🦜 .
