大飯桶 (Closed)

由細到大，我都比屋企人話我係飯桶，由每日一碗飯開始，食到今時今日食兩碗飯我都仲得，如果你問我呢一世人，只係可以食飯定食麵，我諗都唔諗，一定答你飯！無辨法，我唔係唔鍾意食麵，只係兩者選其一，一定係前者，實在太多野可以送飯啦，邊有得輸？👇🏻📌大 飯 桶 煲 仔 飯 - ▪️ 台山豉汁果皮黃鱔煲仔飯 - $98▫️ 黎呢到一定要試試最馳名既大飯桶煲仔飯，佢地煲仔飯都係即叫即整，正所謂慢工出細火，等一陣都無所謂啦。而煲仔飯選擇好多，我就揀左個人氣招牌「台山豉汁果皮黃鱔煲仔飯」，一上枱已經聞到濃濃既鱔香，黃鱔超級爽甜彈滑，完全無果好難咬好韌既感覺；面頭仲有d蘿蔔，入口軟腍；而加左豉汁同埋果皮，成個飯底好夠味，食到底仲挑到d飯焦，我加左$15試埋個潤腸，整體絕對係必試！▪️ 椰 皇 燉 豬 展 - (+$68)▫️ 如果跟餐想嗌碗湯燉湯，可以原價減20蚊，我咁熱愛湯水緊係唔執輸啦，嗌左個「椰皇燉豬展」，一開蓋面頭滿滿既椰皇，果然係落足料，豬展份量都好多，肉質係超級腍滑入味，而且落左南北杏、果皮、蜜棗煲，每啖都相當清甜，好滿足。