鯛魚魚湯專門店 (Closed)

唔知點解我無時無刻都會諗起海鮮，可能我特別為食啦，又或者本身海鮮就係有一種邪惡既魅力。如果你要我揀一樣食物做我最好既朋友，我都會揀佢，因為我知道朋友呢種關係，間中搵下佢，聚下舊就可以，唔需要成日見。而最近係鰂魚涌呢間「鯛魚魚湯專門店」，岩岩認識佢就一見如故！👇📌每 日 限 量 發 售 - (震撼價)▪ 原隻波士頓 · 龍蝦湯飯 - $138▫ 有蟹自然有龍蝦啦，另外一款重點海鮮一定要推薦呢個龍蝦湯飯，食落肉質完全無雪藏味，非常鮮甜爽彈；而當中仲有京蔥、木耳絲配菜，口感份外豐富；湯底用左濃郁既鯛魚湯，飲落天然清甜，撈埋個飯一齊食，真係不得不讚呀！▪ 鯛魚濃湯 · 鮮蟹湯飯 - $138 ▫ 最震撼莫過於呢個鮮蟹湯飯，能夠成為招牌當然有佢既賣點啦，上枱果陣會有個小火爐保持溫度。而熬製出黎湯底睇落奶白色，果然係落足料呀，一大隻原隻肉蟹蓋蓋住成個湯飯，裡面仲食到一梳梳既蟹肉、同埋蟹膏，鮮甜無比；而湯飯吸收哂魚湯既鮮香味，夠哂飽肚呀。