Video
Read full review
2009-08-24
713 views
24-8-2009繼續 mou 茶餐廳, 今次 3:xx pm 嚟到九龍城尾段, 開正喺人氣泰菜館 (http://www.openrice.com/restaurant/commentdetail.htm?commentid=1962347) 隔嚟但又唔多起眼的呢度.先嚟凍奶茶, 見佢淺色成咁, 未飲已心寒起來, 飲落更不得了 -- 偏甜, 奶味 vs 茶味比例近乎 9:1 , 上凍下暖, 十分難飲! 亦絕對係其中一杯我飲過最難飲的港式奶茶, 10 個 thumbs down! 沙爹牛麵亦唔好得好多 -- 沙爹牛肉溫溫吞吞, 沙爹汁味道帶少少甜, 但唔香唔鹹又唔辣, 質地糊糊哋, 梳打牛肉就滑潺潺 , 口感好「膠」; 麵就係大光麵, 淥得爽口, 好在.環境衛生同一般麻甩茶記無異, 不過阿叔們就唔及其他九龍城街坊茶記友善了.飲剩大半杯差到暈的奶茶, 放低 $24, 速閃, 後會無期! P.S. 食物其實只值 1.5 分, round off to 2 益咗佢了!
繼續 mou 茶餐廳, 今次 3:xx pm 嚟到九龍城尾段, 開正喺人氣泰菜館 (http://www.openrice.com/restaurant/commentdetail.htm?commentid=1962347) 隔嚟但又唔多起眼的呢度.
先嚟凍奶茶, 見佢淺色成咁, 未飲已心寒起來, 飲落更不得了 -- 偏甜, 奶味 vs 茶味比例近乎 9:1 , 上凍下暖, 十分難飲! 亦絕對係其中一杯我飲過最難飲的港式奶茶, 10 個 thumbs down!
沙爹牛麵亦唔好得好多 -- 沙爹牛肉溫溫吞吞, 沙爹汁味道帶少少甜, 但唔香唔鹹又唔辣, 質地糊糊哋, 梳打牛肉就滑潺潺 , 口感好「膠」; 麵就係大光麵, 淥得爽口, 好在.
環境衛生同一般麻甩茶記無異, 不過阿叔們就唔及其他九龍城街坊茶記友善了.
飲剩大半杯差到暈的奶茶, 放低 $24, 速閃, 後會無期!
P.S. 食物其實只值 1.5 分, round off to 2 益咗佢了!
Post
