Video
Read full review
2025-04-18
34 views
🍣 旭
📍地址：香港銅鑼灣希雲街38號地下2號舖
💰晚市套餐：$1280/位今次去咗銅鑼灣嘅「旭」💁🏻♀️試咗集結刺身、壽司同鐵板燒於一身嘅晚市套餐😋全程食足18道菜，每樣都精緻得嚟又夠鮮味💯1. 沙律 🥗 冰菜、生菜新鮮爽脆，尤其鍾意佢哋嘅胡麻醬，香濃得嚟帶微微甜味，撈勻之後每啖都充滿芝麻香，開胃一流！.2. 菠菜 + 木魚碎 🍃菠菜煮得啱啱好，唔會太淋，加埋木魚碎嘅鹹香同微微煙韌感，簡單又充滿日式風味！3. 間八 🐟間八魚肉爽滑，酸汁提鮮得嚟唔會搶味，紫蘇花嘅香氣好突出，夾住creamy嘅馬糞海膽，鮮甜濃郁，層次超豐富！4. 赤貝 + 白象拔蚌 🦪赤貝爽脆鮮甜，白象拔蚌更加彈牙，點少少鹽已經能帶出鮮味，正！5. 左口魚壽司 🍣左口魚肉質細嫩，油脂香溢出，醋飯酸度平衡，食落好滿足～6. 沙甸魚壽司 🐟沙甸魚油脂豐腴，魚肉入口即化，鮮味爆棚！7. 吞拿魚、中拖羅、大拖羅壽司 🍣三款吞拿魚部位各有特色：赤身肉質緊實、中拖羅油脂適中、大拖羅入口即溶，魚油香濃到不得了，壽司飯嘅溫度亦啱啱好！8. 北海道馬糞海膽壽司 🌊海膽份量慷慨，鮮甜creamy到極點，完全冇腥味，仲帶微微海水鹹香，食完
今次去咗銅鑼灣嘅「旭」💁🏻♀️試咗集結刺身、壽司同鐵板燒於一身嘅晚市套餐😋全程食足18道菜，每樣都精緻得嚟又夠鮮味💯
1. 沙律 🥗 冰菜、生菜新鮮爽脆，尤其鍾意佢哋嘅胡麻醬，香濃得嚟帶微微甜味，撈勻之後每啖都充滿芝麻香，開胃一流！
.
2. 菠菜 + 木魚碎 🍃
菠菜煮得啱啱好，唔會太淋，加埋木魚碎嘅鹹香同微微煙韌感，簡單又充滿日式風味！
3. 間八 🐟間八魚肉爽滑，酸汁提鮮得嚟唔會搶味，紫蘇花嘅香氣好突出，夾住creamy嘅馬糞海膽，鮮甜濃郁，層次超豐富！
4. 赤貝 + 白象拔蚌 🦪赤貝爽脆鮮甜，白象拔蚌更加彈牙，點少少鹽已經能帶出鮮味，正！
5. 左口魚壽司 🍣左口魚肉質細嫩，油脂香溢出，醋飯酸度平衡，食落好滿足～
6. 沙甸魚壽司 🐟沙甸魚油脂豐腴，魚肉入口即化，鮮味爆棚！
7. 吞拿魚、中拖羅、大拖羅壽司 🍣三款吞拿魚部位各有特色：赤身肉質緊實、中拖羅油脂適中、大拖羅入口即溶，魚油香濃到不得了，壽司飯嘅溫度亦啱啱好！
8. 北海道馬糞海膽壽司 🌊海膽份量慷慨，鮮甜creamy到極點，完全冇腥味，仲帶微微海水鹹香，食完想encore！
9. 玉子燒 🥚玉子燒做得鬆軟濕潤，甜度適中，蛋香濃郁，仲有少少高湯嘅鮮味，好出色～
鐵板燒菜單 🔥.
10. 煎台灣馬友魚 🐟
用昆布醃咗一晚，魚皮煎到脆卜卜，肉質嫩滑得嚟帶昆布嘅清香，好有心思！
11. 北海道帶子 🦪帶子超大粒，表面煎到微焦，內裡保持半生熟，鮮甜多汁，簡單加少少鹽已經好正～
12. 大蝦 🦐蝦球爽口彈牙，蝦膏炒到香濃，撈埋一齊食，鮮味十足，仲帶微微焦香！
13. 香煎鵝肝脆多士 🦆鵝肝外脆內軟，入口即溶，油脂香濃但唔膩，配埋脆多士同無花果醬，平衡得剛剛好！
14. 牛肉薄燒 🐮牛肉薄片包住炸蒜片同蔥蒜，肉質軟嫩，蒜香濃郁，食落超惹味！
15. 鐵板炒飯 🍚炒飯粒粒分明，鑊氣十足，加埋流心太陽蛋撈勻，蛋香同醬油香完美融合，飽肚又滿足～
16. 炒芽菜 🌱芽菜炒得爽脆，簡單用蒜蓉調味，清新解膩！
17. 味噌湯 🍲用龍蝦頭熬製，湯底鮮甜濃郁，味噌香氣突出，飲完成個人都暖笠笠～
甜品🍮.
18. 招牌抹茶奶凍 🍵
抹茶味濃郁得嚟唔苦澀，奶凍滑溜，甜度適中，食完大餐嚟一杯超滿足！
.
19. 時令日本水果 🍈
當日係士多啤梨、蜜瓜同提子，水果清甜多汁，完美作結～
總評💌
「旭」嘅晚市套餐真係物有所值🎊刺身新鮮、壽司醋飯比例啱啱好、鐵板燒火候控制一流，每道菜都感受到師傅嘅心思❤️❤️而且環境舒適，服務亦周到，絕對係銅鑼灣高質日本料理之選🌟
Post
