金泰子泰國餐廳 (Closed)

無論從前或現在，我都一向對泰國菜情有獨鍾，佢既菜式上至海南雞，下至冬蔭功。我都難以抗拒，今次就黎到銅鑼灣擁有多年歷史同分店既「金泰子泰國餐廳」試一試佢地既地道家鄉菜。雖然座位唔算多，不過牆上既裝飾令成間鋪既空間感大增！👇📌炸蝦餅皮蛋 - $88👉好特別既傳統小食之一，將蝦餅先炸到脆口，再將流心皮蛋釀入蝦餅入面，賣相好精緻。而蝦餅既鮮味配搭泰式酸甜醬非常開胃，皮蛋食落亦同蝦餅好夾，唔會太膩。📌粉絲雜菜煲 - $88👉泰式既粉絲雜菜煲同平時食開大排檔既最大分別，就係出面大多數都係烚為主。但泰式主要係用炒既，別有一番風味。當中當然唔少得唔同種類既泰式香料，又會加好多配料令成個粉絲煲層次更加突出。而主角當然炒得非常乾身入味，完全停唔到口呀！📌泰式海南雞 - $95 (半隻)👉海南雞一定要講求肉質嫩滑，呢到既水準都合乎標準，雞肉爽口，唔會太油腍。皮下脂肪相對較少，食落口感夠結實，我幾鍾意，一邊點住醬汁一邊啖啖肉，夠哂過癮。