九龍冰室

Open Now

Now Closed

難得來到一家有用心佈置的冰室，餐廳以懷舊電影海報為主題☯️主要也是惡搞版頗為有趣。中午時間門口總會擠得水泄不通，外賣和堂食客人源源不絕。 .每星期也有不同餐牌，還有常餐焗飯好多選擇，值得不時來幫襯一番📗 🍜吉列豬柳拼雞軟骨棒棒餃子蕃茄湯烏冬 $50雖然熱氣野好毒，但真係抵抗唔到佢地香脆口感既吸引力。儘管都係批發攞貨，但煎炸火喉都有控制，出菜時間快就熱辣脆口。蕃茄湯烏冬湯底比較淡味🍅不過上面都幾多料，有鳴門卷鮮茄同海苔，烏冬煮耐咗冇咁彈性。 🐖芝士焗豬扒飯茶記經典，每次去唔同既茶餐廳都要試，因為即叫即焗既關係都要等返15分鐘，不過出爐仲有煙，芝士拉絲力十足，切條豬扒有咬口好味道🤭呢度既特飲係檸檬薏米水，好適合消膩解滯，同茶記食物有唔錯既化學作用。