Video
Read full review
2016-07-06
285 views
大家講咗好耐「意大利Gelato名牌」嘅雪糕店終於係IFC開幕，啱啱好夏天嘅時候fit大家口味～放工時間買唔使排隊，望下價錢牌，暫時得六款味道，味道選擇唔算多，同埋口味唔算特別，主要係雲呢拿/士多啤梨/榛子/開心果等，一個細柸＄35價錢都OK合理～但takeaway佢竟然<<冇乾冰>>囉，我問時個𡃁妹職員仲同我講話OK OK耍我，等我以為真係會有乾冰可以拎走，好彩我路程唔遠，開時先發現佢淨係用錫紙包，雖然包到密密實實唔會漏，但如果我真係信佢又路程遠嘅話，可能已經係溶到變水了，所以呢方面我覺得佢哋需要坦白同啲客人講，可能嗰個𡃁妹係暑期工所以唔識應付～ 呢方面真係令個服務印象減分！！講番個味道，質地真係好滑，榛子味道好香，哈哈，金莎味道，唔會太甜唔會太溜，係好味嘅！！下次想試埋嗰個Affogato～
放工時間買唔使排隊，望下價錢牌，暫時得六款味道，味道選擇唔算多，同埋口味唔算特別，主要係雲呢拿/士多啤梨/榛子/開心果等，一個細柸＄35價錢都OK合理～
但takeaway佢竟然<<冇乾冰>>囉，我問時個𡃁妹職員仲同我講話OK OK耍我，等我以為真係會有乾冰可以拎走，好彩我路程唔遠，開時先發現佢淨係用錫紙包，雖然包到密密實實唔會漏，但如果我真係信佢又路程遠嘅話，可能已經係溶到變水了，所以呢方面我覺得佢哋需要坦白同啲客人講，可能嗰個𡃁妹係暑期工所以唔識應付～ 呢方面真係令個服務印象減分！！
講番個味道，質地真係好滑，榛子味道好香，哈哈，金莎味道，唔會太甜唔會太溜，係好味嘅！！
下次想試埋嗰個Affogato～
Hazelnut 榛子味
$35
44 views
0 likes
0 comments
Hazelnut 榛子味
$35
57 views
0 likes
0 comments
Post
