Lok Wah Kitchen

一個鐘頭食飯時間，日日午餐食來食去都差唔多，又係是但擇間茶記食，快，靚，正，食完走人。

呢間茶記已食好幾次，貪方便。

四川辣汁特別

叫左四川麻辣口水雞飯配凍檸茶。 四川麻辣嘅汁同正宗四川汁好吾同，呢度帶有港式味道🤣⋯⋯除咗味道濃厚，有辣油，吾知道點解食到黑椒味在內，明明系叫四川麻辣㗎，點解有黑椒味，系錯覺？！😓⋯⋯⋯不過都好味，夠特別，又夠辣，送飯食一流，但冇乜麻感。雞都不過不失，都算滑嘅。

咖哩汁稀

咖哩牛腩飯普通，牛腩牛筋好淋，汁就稀的，吾系太辣。

多元化碟頭飯

豬扒腸仔飯正常，正常味道，有蔥油又有煎旦又豆角，多元化。