弘 CHIRASHI (Closed)

灣仔公司樓下剛剛有新食肆上場，起名為「弘」。從店名及門外兩盞神社式小燈都可以估到食店主打日本料埋。門外有位靚女姐姐落力地介紹店子俾路人，出名心軟o既小肥見新店啱啱開張，正為試業期間，應該有機會寫到首評，所以就走咗入去試一試。「弘」個舖位唔算好大，不過勝在樓底唔矮，坐滿客人聲浪都還可以接受。正門旁近牆兩邊先排好兩列半梳化合併式卡位，二至四人坐最為舒適。入面走廊o既四人散座則感覺上比較狹窄。餐廳午市只做套餐，一頁半o既餐牌上可見廚房主打丼物，但亦有提供燒物、煮物等定食；新張試業，貴精不貴多絕對是上上之策！既然「弘」o既英文名為「Chirashi」，與日文o既雜錦魚生飯「Chirashi Sushi」同音，XO仔就順勢叫咗個「香蔥伴藍鯺吞拿魚腩蓉小丼配熱烏冬」（$88）。「香蔥伴藍鯺吞拿魚腩蓉小丼」面有隻白滑o既溫泉蛋，香滑流心，超！自行加上豉油，混入埋軟嫩o既芥辣同香脆o既蔥花，鮮甜o既藍鯺吞拿魚腩蓉配小丼內香軟o既熱飯，可以話係內、外在美具備，美觀又可口。食完丼飯後再加碗麵條滑溜o既清湯熱烏冬，非常暖胃滿足。灣仔區內不乏日本料理，新店「弘」主打o既魚生丼物睇得又食得，連加一每人平均消費差