スーパー丼 (駱克道) (Closed)

呢間丼飯係銅鑼灣都幾出名，開12點準時去到已經見到餐廳坐滿一半客人，如果遲多一陣去，分分鐘要等位🙈餐廳唔算大，多數都係2人座位，丼飯選擇都唔少，有熟食或魚生類，仲有幾吸引既黃金天婦羅，第一次黎當然揀返個店內推介既飯🤣十勝豚肉丼 $78叫左約10分鐘左右就送到，呢個飯係店長推介之一😋一碗白飯上擺上滿滿的豬肉片，同圖中一樣咁多，大約有7-8片，上面加左少少白蔥，睇落好吸引秘製十勝汁獨創配方製作，香甜惹味提昇豬肉味道，不過豬肉片食落有點韌，油脂感唔重，燒得乾身，而且醬汁有點少，下面既白飯好多都唔夠汁，要加檯上既豉油送飯🙈