長沙灣越來越多食肆，雖然店舖看似不起眼，但不少高手雲集於此！例如這一家「麗澄軒」，雖然算是新店，但係質素不比十年老店差，仲相當有驚喜！雖然主打川菜，但菜式有辣有唔辣，款式夠多！呢個都係我最近愛上食中菜嘅原因👍🏻
△ ▽ △ ▽ △ ▽ △ ▽ △ ▽ △ ▽△ ▽ △ ▽ △
🔹◉重慶酸菜魚$198 （小）
酸菜同滑嫩嘅魚好夾，魚肉熟得啱啱好！食落口感覺好滑，仲可以自選辣度。 底下更有薯粉 份量不少令人驚喜！
🔹◉過門香回鍋肉$118
肥瘦相間嘅五花肉炒得香噴噴，一啖食落去，即能嘗到肉汁的豐盈！加埋香料、大蔥、青椒🫑等等！口感層次豐富，食完仲想再食🤭
🔹◉柚子蝦球$78
新鮮彈牙嘅蝦球搭配清香嘅柚子醬，實在耳目一新！家人都大讚好好食，好啱夏天消暑！
🔹◉麻婆豆腐$89
經典嘅四川菜不得不試！濃郁嘅豆瓣醬同香辣嘅花椒粉，加埋滑溜溜，豆香濃郁嘅豆腐
入口即溶，令人食指大動！
🔹◉潮式反沙芋$89
潮州的經典甜品！原來10分講究技巧，將白沙糖炒溶成液狀，再加入炸好的芋頭炒勻 ，最後就會見到一層白霜包在芋頭外層，超考功夫的一道小食！好少潮州餐廳有得食🤭
整體來說，有芋香而且夠粉！沙糖亦都唔算太硬，一咬即碎～
