神級雞髀皇套餐（$65）配濃厚車打芝士汁（+$4）撈丁
炸雞髀不愧為主打食物，如牆上海報所說「大過你塊面」，但係得個「大」唔得嘅，味道如何呢？首先佢係即炸嘅，雞皮脆卜卜，髀肉位切開仲有些少肉汁、肉都算嫩，但頭/尾/邊位嘅肉就相對乾咗啲。底味稍稍醃過，唔過咸，味道正常。
芝士撈丁個汁略為失色，濃是濃（夠用嚟撈麵），但冇咩芝士味，反而有些微酸味。
下午茶神級炸雞髀皇（$45），比起套餐嗰隻，相對細咗一個碼（但都大隻過好多茶記），但可惜嘅係，成隻雞髀都炸得比較乾身。
另外叫咗兩款跟餐小食
炸薯角（$15），不是坊間那些，是用薯仔蛋切粒炸，再酒上辣粉及孜然粉，夠哂惹味。
奶油脆豬（$20），即焗，豬仔包外脆內軟。
