Sushi Itsu

今日同幾個朋友去食$680, 佢安排咗我哋喺電梯口位置我都明白香港寸金尺土但係作為高級鮨店呢個安排係咪有啲奇怪。我以為會有一啲正常嘅廚師發板, 同埋早前見其他朋友post都話正常, 但係我想講我食落異常失望, 佢比我感覺仲差過千両, 如果@鮨逸嘅老闆響呢個群組度我希望佢哋注意一下, 然後有個經理嘅物體問我哋夠唔夠食, 跟住問使唔使要拖羅我有兩個朋友要咗, 我要咗一件蛋壽司, 然後去另外佢收咗錢, 我知一般除咗廚師發板之外再嗌嘢食要加錢, 但佢主動問我哋, 唔係我哋叫佢加, 呢個手法對我來講唔係咁好.
仲有加錢嗰件拖羅質素比起$680個餐好好多, 呢個亦都有別一般高級鮨店注重食物質素嘅方針.
另外佢擺低食物嘅時候不停整啲跌我朋友嘅筷子, 我忍唔住同佢講有冇人咁樣放碟, 跟住佢話係我朋友放隻筷子放得唔正確係佢嘅唔啱, 我真係聞所未聞所謂嘅高級鮨店有咁嘅服務.
就算客人唔識整應該係遷就客人唔係話個客人唔啱.
其實我食嘅時候都預咗唔好用Tenji, 岩浪, 鮨慎比
但同佢地真係差過鮨吟同一幸.

佢一上枱就放低蒸蛋蒸蛋入邊竟然有蟹柳
伴菜係用一個好鹹嘅南瓜
然後竟然刺身放咗普通帶子
然後中段比沙律
壽司只有五件 仲要冇一件係熟成或者特別處理過
海膽飯係散開一啲都唔新鮮
五杯咖啡份量不一仲要淡而無味及使用維記淡奶

總括而言就係覺得好失望同浪費時間金錢.

1