Video
Read full review
2023-01-27
142 views
# 𝕿𝖆𝖎 𝕻𝖔 2023新年快樂第一篇食評，祝大家兔年充滿活力，「兔」氣揚眉，最緊要平平安安，笑口常開！ 「哥哥添飯·妹妹泡茶」係大埔開左新分店了！佢喺觀塘同火炭已經有好岀名嘅口碑，而且今次選址方便，就係大埔墟大明里，見個價錢唔係好貴，一於入去試吓。☺️今次試左：1-原粒胡椒豬肚雞湯麵 🍜（大埔店冬日限定）凍冰冰想食啲暖笠笠嘅嘢，而且見係大埔分店限定，就試下個胡椒豬肚雞湯，除咗麵仲可以配飯，個湯好重胡椒味，而且酸菜同豬肚份量都好足夠，豬肚好淋，雞都好嫩滑，麵係用上海麵，非常暖胃飽肚，好想飲晒成個湯😋另外養生花雕雞都係冬日限定。2-正宗紅燒手切牛肉麵 HKD96牛肉份量十分多，一碗大約有五大嚿左右，而且有啲蟲草同雪菜，同出邊一般牛肉麵有啲唔同，湯底好清甜，有少少藥材味，牛肉煮得好琳又入味，個糖心蛋勁正。3-＋芝士肉鬆蛋餅 HKD26台灣嘢當然要叫蛋餅，肉鬆好豐富，入面仲要爆曬芝士，勁好食 🤤4-🥤重碳焙桂香烏龍奶茶加豆花，燒仙草奶茶鐵觀音之前已經聽過佢啲飲品好正，佢d飲品配料都好特別，最鍾意係有得加豆花，而且甜度少冰都有得自己選擇，外賣拎走都可以，個人10分推介奶茶，唔甜又重茶味，好有台
2023新年快樂第一篇食評，祝大家兔年充滿活力，「兔」氣揚眉，最緊要平平安安，笑口常開！
「哥哥添飯·妹妹泡茶」係大埔開左新分店了！佢喺觀塘同火炭已經有好岀名嘅口碑，而且今次選址方便，就係大埔墟大明里，見個價錢唔係好貴，一於入去試吓。☺️
今次試左：
1-原粒胡椒豬肚雞湯麵 🍜（大埔店冬日限定）
凍冰冰想食啲暖笠笠嘅嘢，而且見係大埔分店限定，就試下個胡椒豬肚雞湯，除咗麵仲可以配飯，個湯好重胡椒味，而且酸菜同豬肚份量都好足夠，豬肚好淋，雞都好嫩滑，麵係用上海麵，非常暖胃飽肚，好想飲晒成個湯😋另外養生花雕雞都係冬日限定。
2-正宗紅燒手切牛肉麵 HKD96
牛肉份量十分多，一碗大約有五大嚿左右，而且有啲蟲草同雪菜，同出邊一般牛肉麵有啲唔同，湯底好清甜，有少少藥材味，牛肉煮得好琳又入味，個糖心蛋勁正。
3-＋芝士肉鬆蛋餅 HKD26
台灣嘢當然要叫蛋餅，肉鬆好豐富，入面仲要爆曬芝士，勁好食 🤤
4-🥤重碳焙桂香烏龍奶茶加豆花，燒仙草奶茶鐵觀音
之前已經聽過佢啲飲品好正，佢d飲品配料都好特別，最鍾意係有得加豆花，而且甜度少冰都有得自己選擇，外賣拎走都可以，個人10分推介奶茶，唔甜又重茶味，好有台灣味道。
套餐除咗奉送熱餐飲，凍飲加 ＄3 或可以價惠價升級特飲/即磨咖啡。另外仲有其他嘢食例如炸雞滷肉飯青咖喱飯，種類繁多，而且可以加錢配其他台式小食，唔想坐低堂食都可以經過買杯嘢飲，新界人快啲去試吓啦🧋🤤
📍 哥哥添飯•妹妹泡茶 (大埔)
大埔大明里6號寶豐樓地舖
Post
