你諗下燒親都兩個鐘起跳，如果地方無乜空間感，
比人感覺好壓迫既話，咁就真係貼錢買難受。
北角呢間韓式燒肉「濟洲燒肉食堂」地方夠大，
坐得舒服，咁就食得夠chill！👇🏻
📌人 氣 推 介 -
▪️ 濟 州 黑 毛 豬 -
▫️「一級五花肉」厚度適中，唔會太薄，脂肪位一路燒，D油香不斷刺激爐溫，
燒到肉質變得非常彈牙，外層帶少少焦香，相當滋味；配搭一次性前菜，紅莓南瓜蓉、辣蘿蔔乾、菠菜，
仲有可refill既芽菜、海帶、泡菜、娃娃菜，份外開胃。
▫️「濟州黑毛豬肋肉」份量絕對係重磅，油脂豐腴，
燒出黎肉質特別嫩滑，入口特別滑溜，
今次配埋旁邊既芝士粟米、泡菜滑蛋，相當滿足。
▪️ 韓 牛 -
▫️「大蔥切牛舌」醃得夠入味，薄切每邊燒分零鐘岩岩好，
食落完全唔韌，夠哂爽彈。
▫️「和牛牛五花」相比牛肋骨，肉味更加濃郁突出，
口感同樣腍滑彈牙，脂肪比例平均，啖啖肉過足口癮。
▪️ 主 食 -
▫️「海鮮煎蔥餅」就咁睇都知落足料，餅皮食落帶點鬆脆感，
面頭鋪滿墨魚粒同埋蔥段，加埋餐廳自家製醬汁，夠哂惹味。
▫️「黑米冷麵」食落係好清涼，口感Q彈，
面頭仲有隻流心蛋同埋梨肉，
好特別，飲品試左杯荔枝梳打、青檸梳打，整體好抵食。
