壽司郎 (無限極廣場)

Open Now

Now Closed

去 壽司郎 食期間限定 已經成為左每個月嘅指定動作，第一次嚟上環呢一間，明顯無其他分店咁多人喺度等位，好似唔錯。 今個月嘅主題係「全日本美味市場」（全国うまいもん市），有嚟自日本唔同地方食材嘅限定品。 先嚟來自長崎縣嘅 島原和牛 ，味道同平時嘅和牛好唔同，肉味都幾濃，油感都唔錯，$27真係無輸。三陸產炙燒喜之次，來自東北地域相對地比較少有嘅食材，好食，我地果件唔算好炙，本身魚嘅香氣同口感都好唔錯， $27 真係食左先講。伊佐木 同 油甘魚，正常發揮，我就鍾意油甘魚多啲，香啲北海道產海櫻鱒，呢個都係「無得輸」之選，$17 好抵，如果唔係食飽左呢個一定回頭。 青森產熟帆立貝，呢個都係正常發揮，意料之內嘅好味道。日本產醬漬鯖魚海苔包，海苔包 一向都係我喺壽司郎入面覺得最唔好食嘅野嚟，呢個喺海苔包嚟講就唔係最差，但係對比其他壽司就麻麻地。 早排睇完網上介紹炸池魚，點知咁快就有得食，但係呢個炸池魚壽司就有啲搞笑，上面熱辣辣下面凍冰冰，又夾唔到又拎唔到，完全唔知想點嘅係，不過剩係食個炸池魚 係好食，壽司郎炸物一向有保證。鹽漬沙甸魚，無乜特別，仲要其他一舊有細骨，失望長崎產魷魚鬚天婦羅，其實即係酥