Video
Read full review
2022-01-13
1632 views
小弟都算喺晌深水埗大，不過，就好耐都無嚟過「西九龍中心」喇，因為一向都無乜行大商場癮，喺真喺有嘢要買，先會逛商場。今日就皆因過到嚟鴨寮街買卡，先順道上去美食廣場搵食。呢度餐廳眾多，如果事先無心水嘅，揀起嚟都幾唔容易，打咗個圈，就揀定「阿佳拌麵」，原因？無喎，純粹想食吓台灣嘢。 「西九龍中心」嘅美食廣場都幾人氣，我就較鍾意啲枱都設定為二人枱，而且，數量夠多，唔怕有搭枱情況出現。 講到食物選項，一版睇晒，基本上，大類可分為拌麵、麵線同小食，數數埋埋，都有成廿多款選擇。 兩個主食拎上手已好覺夠份量，再加埋兩份小食過過口癮，再幫襯隔離檔嘅台式飲品，兩公婆真喺極之夠飽。 其實啲雞卷、豬肉腸都好夠味，但如果嫌未夠，閣下喺喜歡重口味嘅人，店家仲有少少調味料擺出嚟俾你任加。五香糯米雞卷 $22 台灣最出名就喺佢啲夜市，尤其各種小食，都各具特色，就好似呢一款雞卷，咪睇佢好似細細條，其實可以好飽肚，皆因腸卜衣內塞滿糯米，口感外脆，裡面就煙煙糯糯，加上適當嘅調味，食味一流。 烏來烤豬肉腸 $22 小弟都去過一趟烏來，散策一下即日來回烏來喺幾寫意。當地嘅烤豬肉腸都好出名，晌大街到處都有賣豬肉腸嘅小檔。長長嘅豬
「西九龍中心」嘅美食廣場都幾人氣，我就較鍾意啲枱都設定為二人枱，而且，數量夠多，唔怕有搭枱情況出現。
講到食物選項，一版睇晒，基本上，大類可分為拌麵、麵線同小食，數數埋埋，都有成廿多款選擇。
兩個主食拎上手已好覺夠份量，再加埋兩份小食過過口癮，再幫襯隔離檔嘅台式飲品，兩公婆真喺極之夠飽。
其實啲雞卷、豬肉腸都好夠味，但如果嫌未夠，閣下喺喜歡重口味嘅人，店家仲有少少調味料擺出嚟俾你任加。
五香糯米雞卷 $22 台灣最出名就喺佢啲夜市，尤其各種小食，都各具特色，就好似呢一款雞卷，咪睇佢好似細細條，其實可以好飽肚，皆因腸卜衣內塞滿糯米，口感外脆，裡面就煙煙糯糯，加上適當嘅調味，食味一流。
烏來烤豬肉腸 $22 小弟都去過一趟烏來，散策一下即日來回烏來喺幾寫意。當地嘅烤豬肉腸都好出名，晌大街到處都有賣豬肉腸嘅小檔。長長嘅豬肉腸，外皮非常香脆，再咬落去充滿油香，味道帶少少甜，唔錯。
鹽水雞拌麵 $35叫得「阿佳拌麵」，當然拌麵喺招牌嘢啦，所以，試咗一客鹽水雞拌麵，醬汁就揀咗芝麻醬。雖然個食物盒唔喺好大，但啲拌麵、鹽水雞就塞到滿滿，而啲鹽水雞唔錯喎，鹹香嫩滑，仲伴有爽脆嘅醃蘿蔔同嫩滑嘅滷豆腐；麵條嘅份量都好足，口感較軟身，但做得頗入味。
招牌肉燥飯 $35講到台灣名物，又點少得肉燥，試咗一個拌麵，依一個就揀白飯，同樣白飯跟餸料都塞到滿滿。啲肉燥煮得好香濃，卻喺唔油膩，食落就唔覺有太多肥膏，撈飯嚟食真喺一流，而除了伴有醃蘿蔔同滷豆腐，再加隻具水準嘅溏心蛋，真喺滿足晒。
兩杯台式飲品就另文再分享，而今次試到「阿佳」嘅4款嘢食，都真喺唔錯，幾有台灣原味道，真喺麵食、小吃兩「佳」宜。更加鍾意佢個食物盒及包裝紙袋，紅藍字印住店名，甚有台式夜市風。
Post
