咁岩又比佢收埋左織女件衫，咁岩織女無左件衫升唔返上天，焗住要嫁比
牛郎仲要過d窮L生活，你估真係有咁夢幻既愛情故事咩？
不過唔知係「火鍋郎」又有無呢隻歌仔唱？十下十下過程中，
又會唔會有個仙女出現呢？👇
📌鍋 底 -
▪ 招牌花膠·響螺雞金鍋 - $198
▫ 鍋底方面我揀左呢個「招牌花膠·響螺雞金鍋」，staff強烈推薦我地先飲後烚，
意思係岩岩滾起仲係金黃色狀態下，飲到佢果種最鮮、最清既質感，
而入口我覺得比我想像中香濃，帶少少雞味；加上食到一舊舊花膠，
膠質夠重，爽口滑身，配上黎緊既刺身，非常到位。
📌刺 身 -
▪ 原條日本空運·時令鮮魚 - $388
▫ 輪到今晚其中一個重頭戲「原條日本·空運時令鮮魚」，今日既飛機貨
赤伊佐木好有驚喜，就咁睇賣相就知相當新鮮，staff教落魚肉有兩種食法，
第一種食連埋自家製醋汁一齊食，但切忌唔好落wasabi，咁樣會破壞左本身
魚肉既鮮味，反而酸汁做到吊出鮮味既作用，呢點我幾認同；而另一食法係
將魚肉擺鍋底烚3-5秒，咁樣入口鮮甜得黎，肉質又夠結實，幾特別；
而最後魚骨可以放埋落鍋底裡面，將鮮味提升到最高點！
📌清 酒 -
▪ 加茂錦荷札酒月白·純米大吟釀 - $736
▫ 由待酒師親自介紹呢隻「加茂錦荷札酒月白·純米大吟釀」，
而家只要你嗌原條刺身，呢枝sake就會有半價優惠。入口淡雅清新，
完全唔覺太重身，女仕們一定會愛上。
📌和 牛 -
▪ A 5熊 本 黑 毛 和 牛 宴 -
▫ 不得不推介佢地既重點黑毛和牛，一次過食勻八個部位，當中包括西冷、
肉眼、牛小排、沙巴當、三筋肉、上肩胛肉、外腿肉。每一個部位都有講究既
烚煮秒數，當中最鍾意佢果個封門柳位置，食起上黎最有咬口，同埋肉眼極富
油香，而上肩胛肉筋肉分明，油脂分佈均勻，肉味濃郁，配搭今晚呢款清酒就最夾啦。
