Video
Read full review
2020-03-20
202 views
每個人背後都有一股心魔，係你未拆穿佢既面具之前，永遠唔會知。當權力、慾望、貪婪、仇恨沖昏頭腦，係呢個時侯係最容易做錯決定，呢種就係人性既弱點。我都唔例外，我好容易被人影響，尤其是對酒精 我係難以抗拒。所以酒吧係我經常留低腳毛既地方，但今次有少少唔同，中環呢間「The ThirtySix」就以高檔路線，優越設計橫跨歐、亞元素，將時尚、復古味道融入當中，果然同吳彥祖一樣咁型呀！👇📌All-You-Can-Feast-On Izakaya Bites - ▪ Special Menu - (Order a main /Signature Cocktail +$98)▫ 面對疫情環境因素，相信唔少香港人都飽受困擾，最近呢到就搞緊個新既90分鐘抵食串燒放題，希望可以香港人共渡難關。入埸只係需要每人嗌一杯Signature Coctail或者一款主菜就可以加$98蚊瘋狂係個半鐘內任食所有串燒，包括「照燒雞脾肉串」、「煙鴨胸肉」、「五目魚餅」、「泡菜豬肉餃子」、「黑松露薯餅」、「栗米串揚」、「墨西哥辣椒芝士卷」、「玉子燒」。選擇就夠哂多啦，當中我就最鍾意雞肉串，大大舊入口唔乾身，燒汁香濃帶甜，質感嫩
仇恨沖昏頭腦，係呢個時侯係最容易做錯決定，呢種就係人性既弱點。我都唔例外，
我好容易被人影響，尤其是對酒精 我係難以抗拒。所以酒吧係我經常留低腳毛既地方，
但今次有少少唔同，中環呢間「The ThirtySix」就以高檔路線，優越設計橫跨歐、亞元素，
將時尚、復古味道融入當中，果然同吳彥祖一樣咁型呀！👇
📌All-You-Can-Feast-On Izakaya Bites -
▪ Special Menu - (Order a main /Signature Cocktail +$98)
▫ 面對疫情環境因素，相信唔少香港人都飽受困擾，最近呢到就搞緊個新既90分鐘抵食串燒放題，
希望可以香港人共渡難關。入埸只係需要每人嗌一杯Signature Coctail或者一款主菜就可以加$98蚊
瘋狂係個半鐘內任食所有串燒，包括「照燒雞脾肉串」、「煙鴨胸肉」、「五目魚餅」、
「泡菜豬肉餃子」、「黑松露薯餅」、「栗米串揚」、「墨西哥辣椒芝士卷」、
「玉子燒」。選擇就夠哂多啦，當中我就最鍾意雞肉串，大大舊入口唔乾身，
燒汁香濃帶甜，質感嫩滑，唔錯；另外泡菜豬肉煎餃餃皮香脆，泡菜帶少少辣，幾開胃。
▪ Sea Option - (On top +$35)
▫ 當然呢個放題除左串燒仲有一d海鮮既炸物比你揀啦！只要係$98再另加$35就可以任食
「烤多春魚」、「帶子天婦羅」、「炸蝦天婦羅」、「炸蟹鉗」、「章魚小丸子」。
百零蚊加杯Cocktail就可以瘋狂任食天婦羅，真係好邪惡呀！神呀！懇求你寬恕我咁為食既
罪孽啦！要大讚既係佢地既炸粉唔厚身，入口唔會漿住哂，而且新鮮即炸脆卜卜，調味適中，唔會太鹹。
📌Bar Bites -
▪ Scallops in Pesto - $72(2pcs)
▪ Spanish Pork Belly Kimchi Roll - $58
▪ Savoury Edamame "Kiritanpo" Cake - $68
▪ "Tsukune" Chicken Meatballs Platter - $128(3pcs)
▪ Salted Egg Deep-fried Tempura Shrimps - $98(3pcs)
▫ 成晚流流長，摸住酒杯底，90分鐘話都無咁易就過左啦。不過唔緊要，酒吧仲有好多小食選擇，
就算過左放題時間，都照可以醫飽個肚。我額外再點左幾款包括「燒蒜香帶子」、「泡菜豬腩卷」、
「枝豆炸餅」、「免治雞肉串燒拼盤」、「炸蝦天婦羅」。最鍾意佢個枝豆炸餅，大廚先將枝豆磨碎，
再重新沾上炸粉，炸到金黃脆口，好有特色；免治雞肉拼盤有三隻口味，包括泡菜、煙肉、芝士香蒜醬，
而食落咬到啖啖雞軟骨既口感，夠鬆軟仲好入味，認真唔錯。
📌Seasonal Main Course - $136
▪ Baked Mac’n Cheese · Okonomiyaki Topping
▫ 如果唔鍾意食小食，始終鍾意有返d正餐既，呢到都有幾款招牌主菜既。
厭頭先果d天婦羅唔夠邪惡？呢個「焗芝士通粉」包你夠哂罪惡感呀。
濃郁既芝士上枱已經feel到好惹味，趁佢熱辣辣即刻捕捉佢既拉絲既畫面，好過癮。
而鹹香既芝士配返軟熟既通心粉，整個質地鬆軟香口，
面頭再鋪上大阪燒既醬汁同木魚花，的確好吸引。
▪ Brandy-Blue Cheese Fondant Burger - $168
▫ 今日試埋Staff重點推介既限定菜式「藍芝士漢堡」，果然處處驚喜，首先外面用左菠蘿包既皮已經夠搶眼，
食落外脆內軟，再加埋Blue Cheese配上澳州漢堡牛肉，牛味濃郁，兩者既配搭好夾非常突出。
加埋無花果果醬，成個感覺好清新，口感好豐富。
📌Sweet Thing -
▪ White Rabbit - $130
▫ Bartender介紹左兩款以甜品做主題既特色Cocktail，呢杯White Rabbit用上真既兒時港式懷舊-
白兔牌糖溶入Vodka裡面，然後再將咖啡酒、牛奶、椰奶、煉奶一齊攪勻。係出面仲掛住粒白兔牌糖，
咩回憶都返哂黎呀！入口真係好sweet，奶味好重，但酒味都仲Keep到係返到，唔錯。
▪ Cookie Monster in Garden - $130
▫ 一杯睇得又飲得既小盆栽，其實裡面係由琴酒、白可可甜酒、雲呢拿糖漿、焦糖糖漿、Full Cream組成。
再係面頭放埋Oreo碎，睇落真係好似個小盆栽，打卡必點呀！而附送既燒焦過既棉花糖，浸一浸黎食，夠哂甜蜜呀。
📌Specialty Highballs -
▪ Mamie Gilroy - $110
▫ 平時我好少飲Whiskey，難得黎到咁著名既Whiskey Bar，當然要整返杯經典蘇格蘭威士忌
之一既Mamie Gilroy啦。Bartender先倒入Dewar’s 12 Yo Scotch落Highball杯，再加青檸汁、橙汁、
薑水、薑味苦精，再係杯身兩邊用橙皮帶過，然後放落杯中做裝飾。成個感覺好清新好易入口，
特別for lady drinks，加埋blingbling既杯墊，當然比相機飲左先啦！
📌Seasonal Oriental-Inspired Libation -
▪ Chen Pi - $136
▫ 今次試埋佢地新出既陳皮特飲，可能聽落會覺得好奇怪，但其實陳皮混合西方元素，
可以做到咁夾既口感。Bartender先將乾身既陳皮放落酒杯，再將百合花花瓣乾、榛子乾"顏"碎。
再倒入檸檬汁同榛果糖漿連埋燒酒一齊Shake均，口感唔dry，仲有陣陣既清甜，我幾鍾意。
Post
