我都唔係好記得究竟當年去蘇梅島…布吉…芭提雅
呢d地方係咩感覺。不過唔記得唔緊要，
有d野你刺激下佢，尤其是味覺，咩都返哂黎囉。👇
📌主 食 -
▪️ 冬 蔭 公 湯 - $142(細)
▫️ 泰國野必嗌之一「冬蔭公湯」，淨係湯頭都非常豐富，
大量草菇、香茅、南薑、辣椒，我揀左加辣，所以入口
特別濃香惹味；而兩大隻虎蝦亦夠生猛，肉質軟腍入味，
酸酸辣辣認真開胃！
▪️ 黃 咖 哩 海 鮮 - $118
▫️ 第二道必食「黃咖哩海鮮」，就咁睇咖哩個質感
絕對唔係好稀身，入口甜甜地，完全唔辣，而且椰香味夠出，
口感幼滑；裡面海鮮包括青口、帶子、魷魚，
仲有大量薯仔，飽肚又抵食，正！
📌小 食 & 飲 品 -
▪️ 泰 式 原 味 烤 薄 餅 - $48
▪️ 椰 皇 沙 冰 - $39
▫️ 專登嗌左個「泰式原味烤薄餅」襯返個咖哩，烤餅烤得夠脆口，
面頭帶少少焦香，一上枱仲係熱辣辣，口感軟綿，好好食；
又食辣又食熱野一定走唔甩呢杯人氣招牌「椰皇沙冰」咖啦，
嗌左少甜，甜度岩岩好，飲落係相當透心涼，夠哂滿足！
