呢排天氣咁凍 仲有寒冷警告⚠️
最適合就係冷手打個熱邊爐♨️
早幾日去咗九龍城非常出面嘅「方榮記」試下🌚
嗯⋯⋯我會話去係食名氣同食情懷
可以影下電影「PTU」同款場景打下卡📸
講咗湯底先🙌🏻
佢嘅清湯係大地魚湯🐟
因為有朋友對魚敏感所以轉咗芫茜皮蛋湯🌿
而佢嘅芫茜皮湯蛋係比清湯更清
清水中 芫茜還芫茜 皮蛋還皮蛋
大概食到最尾個湯底先開始滾出皮湯味🥴
至於最出名嘅沙嗲湯底呢 我認為都係過譽🥴🥴
見方榮記全名係「方榮記沙嗲牛肉專家」
對個湯底都好有期望🙈
一開始食嘅時候沙嗲已經偏鹹
（P.S. 我係重口味人 鍾意食鹹味野食）
湯底偏杰身 煮菜啊 麵條都好掛汁👍🏻👍🏻
不過個湯底越煮越唔好食
越嚟越杰 + 越嚟越鹹 湯底變到好混濁
食完要洗腎嘅感覺😂😂🙈
鍾意重口味朋友都可以試下嘅
最好一開頭就淥咗個麵先會好啲🫡
打邊爐靈魂係湯底 配料都好緊要
新鮮嘅配料 就算配清湯都一樣好味🥸
- 鮮牛肉/牛肉🐮 偏韌 肉味唔算出
- 雲吞/水餃🥟 自家製 個皮好易穿
- 生蒜要加$15💸
- 炸魚皮夠脆 但是有啲多骨☠️
- 牛丸 魷魚鬚都還不錯👍🏻👍🏻🫶🏻
總括嚟講
我覺得沙嗲湯底唔係差
只係唔太適合打邊爐♨️
如果你地鍾意食濃身 掛汁嘅沙嗲牛肉麵
可以試下係方榮記單點沙嗲牛肉麵 $70一個
2
