豊勝手丼 (Closed)

最近疫情嚴峻，以為市民都會安坐家中，足不出戶。今日喺銅鑼灣登龍街VPoint附近，就真系感覺到香港人生命力強，疫情雖悍，阻不了港人正常過活，街上一樣人來人往，大家做足防疫措施就是了，食肆依然旺場，很有生氣。本來心怡VPoint地下豊勝手丼，來個勝手海鮮丼。豊勝手丼有多款海鮮丼、各式壽司、多類刺身、自由配搭勝手丼、各式日本酒品和午市定食。今天慕名而來，以為疫情下比較人少，點知都要排隊入座，有點意外。懶排隊入座，就簡單叫了個午市定食外賣。天口㷫，外賣海鮮丼不方便，怕易壞，就外賣了午市定食慢煮醬燒骨付雞腿丼，追加了一個吉列炸蠔。海鮮勝手丼留返下次有時間再慢慢堂食享用，這裡堂食提供壽司飯免費添加，外賣自取則有八折，真系雙重優惠。慢煮醬燒骨付雞腿丼，附送溏心蛋及秘製醬汁。連骨雞腿好大塊，蓋過整個飯面，雞腿雖然系慢煮，外皮卻很香口，雞肉嫩滑。糖心蛋夠流心，蛋白滑溜溜，飯粒則晶瑩剔透，再配秘製醬汁一起吃，十分好味。至於吉列炸蠔，就唔算大隻，不過外層炸醬炸得非常鬆化，蠔亦新鮮甜美，水準不賴。