Kong Chiu Lau

好耐都冇去嘆返一盅兩件，今日lunch就同成班朋友去咗尖沙咀附近既細酒樓聚一聚🧱港潮樓就係港晶中心1樓，正正就係元氣壽司上面，相當容易揾😙

3

酒樓唔算好大間，主要都係招呼附近既上班族。午市餐單就主要係有張小菜同點心，仲有款孖寶每日唔同👯‍♀️今日就係蜜汁靚叉燒拼干炒牛肉烏冬，我地都有叫。

2

10

7

點心就都好大路，但都有d特色野好似鮑魚糯米雞、班蘭椰汁饅頭同鮮蝦長春卷，最欣賞既就係有得逐件叫，唔使成日比一籠幾件限住👍

蝦餃皇

鮮蝦長春卷

今次叫咗十幾款點心包括蝦餃燒賣、奶皇包同埋鳳爪，再加埋腸粉，覺得呢度炸既點心會出色d🔥好似長春卷同金絲香芋酥都好香口。

干炒牛肉烏冬

蜜汁靚叉燒

不過干炒牛肉烏冬既牛肉有d痴埋一舊，搞到炒出黎唔熟🤨好彩有發現就冇食到。叉燒既火喉幾好，食落口感鬆軟。