餐廳原來係寶勒巷，位置好方便。
裝修好靚，好似真係去左日本食飯咁。
仲有得番下牌仔叫野食。
我地坐低就嗌住兩杯野飲先，慢慢睇menu。杯荔枝梳打酸酸甜甜，另外杯仲有蘋果肉粒，爽。
第一道清清地叫個野菜沙律先，有我最中意既胡麻醬，上面既豆腐配住下面既沙律菜一齊食，感覺好fresh！
跟住重點嚟啦！
係 松 刺身拼盤
分別有甜蝦、北奇貝、帶子、劍魚腩、吞拿魚、三文魚、八爪魚同油甘魚，每樣四件唔洗爭，仲要係厚切，真係不得了。刺身食得岀好新鮮，其中劍魚腩既油香同帶子既鮮甜真係無得頂。
食完刺身，我地再嗌個清酒煮蜆同燒帶子。一路食再飲埋個湯，暖番個胃就剛剛好。
