🔸原隻燒鵝髀雙拼 (拼叉燒)
🔸油菜一碟 (蠔油菜心)
🔸小食一碟 (蒜拍青瓜)
🔸白飯一碗
🔸老火湯一碗
🔸凍檸茶 +$8
🔹麻辣尖椒皮蛋 $20
-
尋晚去咗灣仔新禧大樓嘅「天龍燒鵝」食晚飯，呢間係由前米芝蓮二星中餐廳燒味部主廚開嘅店，真係有啲料到。一入去就聞到燒味香氣，店舖唔算大，但乾淨企理，氣氛親切，啱晒放工後輕鬆食餐好嘢。
1
22
我叫咗佢哋個$150一人套餐，燒鵝髀拼叉燒真係正，鵝皮香脆，肉質嫩滑，叉燒又甜又juicy，完全唔輸比高級酒樓。
蠔油菜心爽口，小食蒜拍青瓜清新開胃，老火湯夠足料，飲落暖笠笠。加咗杯凍檸茶，仲試埋麻辣尖椒皮蛋，辣得過癮！
最欣賞佢哋全日不停燒乳豬燒鵝，保證新鮮出爐，真係誠意十足。整體嚟講，性價比高，味道出色，值得一試！
