想食泰菜我會建議呢間Blue Elephant，有宮廷式嘅優雅設計，亦有海景嘅襯托，整體環境相當唔錯，衛生仲幾好添。
1
香茅炸蝦餅（$98/全份）- 蝦餅比較有特色，由於加左香茅，出奇地好食，而蝦餅更係非常爽口彈牙，蝦味濃郁。
慢煮烤排骨（$168）- 排骨以慢煮方式炮製確實與別不同，肉質極之細膩，嫩滑而有豐富肉汁，肉味香，有少少似高級版嘅叉燒。
馬沙文咖喱配羊肉（$238）加油鬆餅（$38/2件）- 咖喱都幾出色，偏向馬來風味，微辣且奶滑，椰香味突出，小鍋內滿是羊腩粒，確實係「廟細燈籠大」，配富奶油香嘅油鬆餅的確美味。
豬頸肉炒飯（$148）- 炒飯炒得唔錯，飯粒夠乾身唔會太濕，醬油調味都調得唔錯，仲有唔少豬頸肉，都幾有肉香，幾好食。
最後，眼見香港的海港城慢慢變成唔屬於香港人的一個商場，確實可惜！
