関東酒場 (Closed)

泥到星期五當然要同朋友happy hour 今晚去左大角嘴try try 清酒放題，絕對岩哂酒鬼去。價錢唔貴，夠親民，飲返幾杯已經番到本。入面裝修超有日本風，以唔同清酒做裝飾，好似去左日本咁，都有主打串燒，所以都幾大油煙。佢兩小時日本酒放題分2款:“竹”$348或“松”$388/位。而每一款放題都包特選酒類放題+3款關東煮+1份前菜+1客輕食日式烏冬.“竹”既日本酒放題主要以啤酒/生啤及日本清酒為主,而“松”就多左日本既果物酒可以選擇 (點“松”亦可以內“竹”內既酒類)。選擇左放題套餐後，店員會送上sake杯比你揀，等你可以慢慢品嚐。首先店員都會奉上兩杯濃濃既白雞湯，關東煮既配料選擇好齊全，推介必點大根同福袋，能完成將湯索哂入味。另外佐酒小食都十分多選擇，個炸秋刀魚好香脆，配上日本啤酒，一流享受。另外我地都點了果物串燒配上清酒，有蘋果同菠蘿豚肉串，好好味。野食選擇多同清酒放題，滿足哂唔同要求！