Video
Read full review
2013-08-20
12 views
受邀請到呢間諾士佛臺餐廳試食,意大利西餐廳格局,佔地頗大,但都有點情調;餐前麵包 (4人既份量,樣樣都有d,麵包都幾鬆軟但唔夠香,麵包條就幾香脆);塗麵包有自家製牛油同豆醬,牛油香滑唔錯,豆醬問過係有加d parma ham 溝埋但又唔多覺,有少少豆香咁,比較淡;仲有醋同欖油都係正常味道;汽酒酒精度不高,易入口,氣泡都好豐富,正合我意帶子他他 (帶子他他球由帶子碎粒構成,食落都幾鮮味,伴碟醬汁有兩種,一隻係香草醬,味道幾出;反而另一隻龍蝦醬味道不太突出);薯仔松露湯伴鵪鶉蛋及鴨腿醬多士 (薯仔湯幾香,幾濃稠但唔會太杰,味道濃左少少;鵪鶉蛋係煮到半熟,成隻食入口會爆漿,蛋香四溢;鴨腿醬多士既肉醬味道岩岩好唔會太鹹,多士索埋d湯一齊食都幾好食);焗自製意大利煙肉闊條麵配牛油忌廉汁 (自製意大利闊條麵係招牌菜色,扁身麵條略帶煙韌,牛油忌廉汁同芝士同焗好香,煙肉帶來鹹香不過有點過鹹;麵條焗到幾乾身,有點焦脆,呢方面可以話好,但另一方面有部分麵條好似乾硬左少少;整體上都唔錯);羊柳釀鴨肝脆皮杏仁碎配黑松露汁 (羊柳無問要幾成熟,煮出黎應該有六,七成熟,可能中間釀有鴨肝,所以只預定左一種生熟度;食
餐前麵包 (4人既份量,樣樣都有d,麵包都幾鬆軟但唔夠香,麵包條就幾香脆);
塗麵包有自家製牛油同豆醬,牛油香滑唔錯,豆醬問過係有加d parma ham 溝埋但又唔多覺,有少少豆香咁,比較淡;仲有醋同欖油都係正常味道;
汽酒酒精度不高,易入口,氣泡都好豐富,正合我意
帶子他他 (帶子他他球由帶子碎粒構成,食落都幾鮮味,伴碟醬汁有兩種,一隻係香草醬,味道幾出;反而另一隻龍蝦醬味道不太突出);
薯仔松露湯伴鵪鶉蛋及鴨腿醬多士 (薯仔湯幾香,幾濃稠但唔會太杰,味道濃左少少;鵪鶉蛋係煮到半熟,成隻食入口會爆漿,蛋香四溢;鴨腿醬多士既肉醬味道岩岩好唔會太鹹,多士索埋d湯一齊食都幾好食);
焗自製意大利煙肉闊條麵配牛油忌廉汁 (自製意大利闊條麵係招牌菜色,扁身麵條略帶煙韌,牛油忌廉汁同芝士同焗好香,煙肉帶來鹹香不過有點過鹹;麵條焗到幾乾身,有點焦脆,呢方面可以話好,但另一方面有部分麵條好似乾硬左少少;整體上都唔錯);
羊柳釀鴨肝脆皮杏仁碎配黑松露汁 (羊柳無問要幾成熟,煮出黎應該有六,七成熟,可能中間釀有鴨肝,所以只預定左一種生熟度;食落羊柳仲保持住豐富肉汁,肉質鮮嫩,羊味濃一點更好;鴨肝仲好滑身;外面既杏仁片做到幾香脆;黑松露汁醬汁唔係幾夠香,不過都夠帶出鮮味;配菜有甘筍仔,露筍同薯仔;賣相色澤鮮嫩同食落都幾新鮮);
香煎智利鱸魚配意大利汽酒牛油汁 (鱸魚就咁煎熟,試左少少,魚肉厚身得黎肉質都嫩滑,魚味都香濃,魚皮都煎得香脆;醬汁宦係點綴性質,主要食魚本身鮮味);
傳統意式半蛋白雪糕 (呢個雪糕唔會太甜,好香滑,唔知係咪半蛋白雪糕既關係,雪糕食落感覺到密度無平時食開既咁高;底部既朱古力脆片仲幾脆身,好似食緊朱古力雪糕批咁;伴碟既水果就比較酸)
Other Info. :
C AllStar很友善好玩,釗峰很推介傳統意式半蛋白雪糕,都真係幾好味既
(The above review is the personal opinion of a user which does not represent OpenRice's point of view.)
Post
