龍鳳號 (Closed)

經常同朋友講自己有一顆台灣心，除左睇台灣節目之外，仲聽台語歌，而對台灣嘅食物更加喜愛。所以一聽到有台灣野食，小編就梗係狗衝過去啦！👻👻今次去到觀塘嘅龍鳳號，哩間餐廳首先唔係係大型商場入面，而係係一個被好多工業大廈圍住嘅一個小商場入面，📍位置唔算難搵，開地圖都好易行到去。今次我地就叫左滷肉飯🍚，番薯葉，鹽酥雞翼🍗。先講滷肉飯，個人認為龍鳳號嘅滷肉飯甚至比某一啲係台灣嘅餐廳都整得好食，首先佢啲滷肉好入味，因為有時有啲滷肉食落仲有好大浸豬肉嘅腥味，但呢間滷肉飯完全唔會仲食到醬油嘅鹹香味。不過燙蕃薯葉同雞翼相對就遜色啲，燙番薯葉有啲油，鹽酥雞翼就有啲硬反而，味道亦唔算話好。不過整體黎講滷肉飯真係可以話香港數一數二。😋你地又有冇高質台灣野介紹下呢？