今次去左試一間屋企附近既西餐廳，充滿驚喜，首先個裝修好有特色，復古得來好有味道，見到好有心機咁諗過，食物價錢亦到好合理，味道都唔錯，試左幾款招牌菜👍👍
首先，餐湯係周打蜆湯，不過不失啦，但見到餐具全部印左餐廳名，有心思，最愛可樂胡椒粉樽，好Cute!
呢度出名啤酒焗雞同德國咸豬手，全部都係成隻上，即刻整！個雞好Juicy，最怕雞胸鞋拾拾，但呢個都係嫩👍
而個咸豬手既豬皮係勁勁勁勁脆！咬落去隔離都會聽到聲，加上有少少少肥，食落唔會太乾！
呢到加埋$300內，都好合理！見到餐牌有好多野揀，可以多啲幫襯🙋🙋唔駛咁悶，次次都食果幾樣😌
