Guinness ($108): 健力士黑啤其實一啲都唔苦，醇香幼滑，微甜，帶咖啡及麥芽香，係我最喜愛嘅啤酒。
芝士焗炸薯條（$48）: 粗薯條先炸，後加芝士焗製，酥脆具薯味，且帶芝士咸香，為不錯的佐酒小食。
法式蠔汁鮮蠔芝士焗意粉 （$198）： 呢個意粉幾特別幾好食，芝士白汁中滲透蠔汁嘅鮮香，醬汁稠密，非常濃郁，另有三顆蠔肉，肉質飽滿幼嫩，肥美鮮甜，絕對值得一試。
慢煮西班牙豬架配蘋果醬（$238）： 慢煮方式煮製，熟度不能自選，但其實都睇得出豬鞍肉唔係Well Done，其肉質仍保持細嫩，具肉汁且有彈性，肉味香濃，豬皮帶有Crispy口感，有少少燒腩仔皮嘅香味。
蒜香牛油烤野菌（$48）：隨便搭多一個side dish，蒜蓉牛油炒就一定好食架喇，野菌香滑多汁。
